Seminarhelg

Det er alltid spanande å starta opp igjen sesongen, for å sjå kor mange som blir med i laget. Frå første øving er vi 28 medlemer, og det er ganske bra til å vera starten på sesongen.

Det å starta opp med eit seminar, gjer at laget kjem godt i gang. Nokre av oss smører ventilane febrilsk for å få dei i gang, kanskje litt i skjul, slik at dei andre ikkje skal sjå at her har ikkje instrumentet vore i bruk sida sist sesong. Nokre slit med leppene, etter kun ein oppvarmingshymne. Det klør og klør. Det er rart, ein kjem seg fort inn i det, og både ventiler og lepper fungerer etter ei kort stund.

Det er lagt ut bilete frå seminarhelga. Desse finn du på venstra side, under fotoalbum.