Seminarhelg

I tre dagar har laget hatt seminar med både fellesøving og gruppeøvingar i samfunnshuset. Det har vore flotte dagar, med masse god øving på NM stykket 'Glorifico Aeternum'. Dette er eit stykke basert på to hymnar, og er veldig kjekt å øve på. Du får sjansen til å høyre dette når laget skal ha konsert torsdag 4. februar.

I løpet av helga har det vore mykje øving, men vi har jo og pauser, for det sosiale er jo minst like viktig som det å spele saman. Rosendal Musikklag er eit generasjonskorps, og det vil sei at det er stor forskjell mellom den eldste og den yngste, men dette er noko som gjer det ekstra kjekt å vera med.